منتدى محبي أهل البيت عليهم السلام - حادي المنايا علي حمادي مكتوبة

حادي المنايا علي حمادي مكتوبة

حادي المنايا يحدي و دموعنا همالة .. باقي سواد الليلة و من الصبح شيالة
يا ليل فينا تأخر .. صبحك عسى ما يطلع

أنشر علينا ظلالك .. و أحنا نصب المدمع
و من الأحبة الليلة .. حتى الفجر يتودع
هالليلة أخر ليلة .. و من الصبح شيالة
حادي المنايا يحدي و دموعنا همالة .. باقي سواد الليلة و من الصبح شيالة

هالليلة خل الطفلة .. تبقى بحجر والدها

خلها تبات بحضنه .. باچر أبو ما عدها
و أم الرضيع أتركها .. تتمعن بواحدها

و اترك لنا والينا .. نتفيئ تحت ظلاله

حادي المنايا يحدي و دموعنا همالة .. باقي سواد الليلة و من الصبح شيالة

و حسين هذي الليلة .. يتودع امن أيتامه

و أطفاله كلهم حوله .. و الضجة بين خيامه
يوصي عليهم زينب .. حين وقفت قدامه

تنظر أخوها يودع .. كل نسوته و عياله

حادي المنايا يحدي و دموعنا همالة .. باقي سواد الليلة و من الصبح شيالة

و مصيبة اللي باچر .. بتهز كيان الوالي

بالمشرعة بو فاضل .. مفضوخ رأسه الغالي
يوكف عليه ينادي .. يا يمنتي و شمالي

يوكف يشم چفوفه .. و اتحوطه الخيالة

حادي المنايا يحدي و دموعنا همالة .. باقي سواد الليلة و من الصبح شيالة

و الله الضحايا باچر شباني من تتقدم

الأكبر معاه الجاسم و خضابه من جاري الدم
حتى الطفل عبد الله يصيبه سهم المحتم
و امه تعاين مهده بدموعها الهمالة