منتدى محبي أهل البيت عليهم السلام - عرض مشاركة واحدة - روايتي بصمة واتمحت من حياتي ♥ : تمت سرقة الحساب وبأكملها فالمنتدى

اوسمتي · 06-22-2019, 07:20 PM

في يوم مشرق والشمس تنثر أشعتها بالحب وتعطينا عطاء بلا مقابل منتظر؟
اليوم حليو لكن في شياطين بشكل بشر والعياذ بالله

يخربون يومك؟ كأنه هالشي لعبتهم ولا شي من أساسية حياتهم 😁

بمختصر يموتون اذا ما سوا هالشي أو يمر يوم بلا مشاكل أتييهم الحومة في جبدهم

تعالوا لنعرف شصار؟..

بطلتنا الحلوة لقصتنا : مريم

مريم بنيه حلوه وطيوبة لكن الدنيا دايمه ضدها
ولا يوم من حياتها مر عليها حلو
ولا فرحة تمت عليها الا بالنكد والكلام اللي يعثت في النفس

..

صوت من بعيد : مريمووووههه ي طاييححهه الحظظ وينج عساج الصصصممم

مريم : هلا يمه اكاني ياييهه لج

أم مريم : تععالي بسسرعةة لا أككسر ضلوعج يا حم....

*تعريف بسيط عن بطلتنا مريم: فتاة حلوه وجميلة ماشاءالله جمالها رباني وطيبة وتتمنى لكل الناس الخير والسعادة..
شكلها يسر الناظرين.. متوسط الطول وعيونها خضرة وواسعة كبيره عيونها فيها جمال يا سبحان الله.. شعرها طويل يوصل لظهرها لونه بني فاتح* وفيها غمازتين السعادة وعمرها 21

أم مريم أسمها عنود : أنسانه عنصرية وعديمة رحمة وتكره بتها مريم بشكل فضيع كأنها عدوتها مب بتها.. شكلها يبثت داخل النفس الرعب والخوف بسبب الحادث اللي صادها وتشوهت ملامحها.. دوم عصبية وتفرغ كل عصبيتها في هالمسكينة مريم.. عمرها 49

..
نرجع لروايتنا : بصمة من حياتي أتمحت
..

مريم: هلا يمه سامحيني اتأخرت عليج الله يكرمج كنت في الحمام

أم مريم " عنود" : >>>>تضرب مريم كف يطيحها على الارض: يا قليلة الأدب صار ليي ساعة اناديج ما تردين الا بعد ما طلعت روحي

مريم تحاول تقوم: يمه سامحيني..

ام مريم" عنود" : لا بارك الله فيج ولا ساعة اللي يبتج فيها قومي قامت عليج الجن قومي نظيفي البيت صيرررري مثل خواتج واخوانج يا طايحة الحظ

مريم ساكته وداخلها الحزن وتتقطع من داخلها : ان شاء الله يمه الحين بنظف البيت وبجهز الريوق لكم

أم مريم 'عنود" بنظره حقيرة : يله بسرعة يا بت اللذينه بسرعة سوي شغلج.. حتى الخدامة أحسن منج مرتبة ونظيفة مو ريحتها خايسه وشعرها كانه ليفة مواعين
..

[مريم ساكتة ولا تكلمت كلمة بس سمعت من داخلها تتقطع تبي تبجي]

أم مريم عنود راحت حجرتها وأما مريم المسكينة راحت تنظف بعد ما خلصت تنظيف البيت كامل راحت تسوي الريوق
..

مريم راحت تنادي بقية اخوانها وخواتها : يله تععالو الريوق جاهز قبل لا يبرد

مريم بالابتسامة من جافت ابوها: صباح الخير يبه

أبو مريم :شنو الريوق اليوم >>>>ما يفكر الا في بطنه هالبخيل

مريم للحين مبتسمة : سويت لكم كل اللي تحبونه يبه

أبو مريم : زين منج فايدة وامج الثانية تحن وترن تبي خدامه.. كأنه عندي بنك البحرين الوطني حق اييب اليها خدامه.. أكا يكفي انتين قايمه بالواجب اشله بعد أصرف واخسر فلوس على الخدم

مريم* سكتت وفي داخلها : وين بتييب لها خدامه وانت ربيه خايف عليها.. والبخل مأكلك أكل

أبو مريم :يله روحي نادي أمج بسرععة شفيج مفهية

مريم : ها لا ان شاء الله الحين راح أناديها يبه

*نبدة بسيطة عن أبو مريم* :
اسمه تركي وانسان يموت على شي اسمه فلوس بخيل من درجة اول.. يعز الفلوس أكثر من بناته واولاده وعمره 55سنه
..

بعد ما يوا خوات واخوان مريم على سفرة الريوق

أبو مريم " تركي" : يله كلكم قعدو وأكلو على قد بطنكم ما نبي إسراف ما عندي فلوس اروح بعد اشتري وفروا

رغد من داخلها: استغفر الله من صباحية الله نفس الاسطوانه حتى على اللقمة مب متهنيين فيها شهالعيش اللي تقصف العمر

####

رغدة اخت مريم العوده : مزاجية ومغرورة شوي