منتدى محبي أهل البيت عليهم السلام - عرض مشاركة واحدة - روايتي بصمة واتمحت من حياتي ♥ : تمت سرقة الحساب وبأكملها فالمنتدى

اوسمتي · 06-22-2019, 07:21 PM

بعد ما خلصت مريم.. نزلت

مريم قبل لا تتطلع تودعهم : مع السلامة

ام مريم " عنود" : روحه بلا رده
رغد بداخلها : لا حول ولا قوة الا بالله >>> قامت وراحت حجرتها

أبو مريم* " تركي" فيها ذرة حنيه على بتها: تحملي في روحج

مريم: ان شاء الله يبه

لؤي رغم غروره الا إنه بعض الاحيان عطوف على خواته: عندج فلوس؟ وانتبهي بروحج اي احد يضايجج قولي ليي

مريم: مشكور الله يزيد خيرك اضعاف عندي

لؤي يطلع بوكه : خذي وخليه عندج اذا احتجتين شي قولي ليي

مريم: مشكور ما قصرت

أبو مريم " تركي" عيونه بغت تتطلع من جاف فلوس: مريم عطيني هالفلوس بخشهم لج

لؤي بنظره : مريم روحي عن لا تتاخرين وانت الثاني بسك طمع

>>>> مريم طلعت وركبت السيارة

بدر : توكلنا على الله
مريم : توكلنا عليه..

>>> بدر متعود دوم يشغل قرآن* ويتوكل عليه بكل شي قبل لا يبدي فيه..

بدر : احد تكلم لج قبل لا تتطلعين؟
مريم تحاول تخفي اللي فيها : لا محد تكلم ليي
بدر: تجذبين عليي انا اخوج اعرفج اكثر من نفسي
مريم: ولاشي بس امي قالت كلام سم
بدر: ادعيلهم الله يهديهم
مريم: الله يهديهم
بدر: اليوم عليج امتحان
مريم: لا اليوم ما عندي شي عندي يوم الخميس
بدر: الخميس الونيس
مريم : ههههه تحمصني زين
بدر: هههههه مستانس ما عندي شي الخميس لا كويز ولا شي مرتاح
مريم: ههههههه الله يديم عليك الوناسة
بدر : يله اكا وصلنا
مريم: يله اجوفك عقب المحاضرة
بدر: تمام

***
نبذة عن تخصصات بدر ومريم
مريم تخصصها لغة العربية
من عشاق العربي ماشاءالله عليه تكتب قصايد بالإضافة لقصص وروايات

بدر تخصصه بدن <<< ماشاءالله عليه رشيق ووسيم رياضي

..

في محاضرة : هستري البحرين

مريم تسلم على البنات : السلام عليكم ورحمه الله بنات

بنات كلهم : وعليكم السلام ورحمه الله وبركاته

مروة : وهه ما بغينا توصلين هههههه
مريم: هههه سكتي يختج ما صدقت على الله وصلت
مروة: بالسلامة بالسلامة

مروة: صديقة مريم من الطفولة من صفاتها تحب المزح والاستهبال.. طيوبة وقلبها ابيض ما في مثله.. عمرها 21

..

مريم: ههههه الله يسلمج من كل شر توني امس موصله من لندن
مروة: ههههه صج ما يبتين ليي شي من هناك
مريم بالاستهبال: هههههه من قال ما يبت شي.. يبتلج ورق عنب
مروة : الاييييييي خوش ورق عنب له
مريم : هههههههه مالج حل

البنات بصوت واحد: ناس وناس

جود : هييييي ابغي ورق عنب خخاطري بموووووووت

مريم : بسمله عليج ههههههه تسلفي من مروة

مروة : ما اصرف على الدولة

جود: ويييع مصفعة ويع
مروة: ههههههه طالعه عليج
جود: خلااااص زعلت
مروة: زعلي هههههه
مريم: هههه خلاص لا تزعلين مرة ثانية بييب حقج
مروة: هههه اصلا اتغشمر خذي جود بالعافيه
جود: نحيسه ههههه

نبذة بسيطة عن جود
جود : صديقه مريم من الجامعة
طيوبة ورفيقة القلب.. مزوحة.. عمرها 19

..

تموا يسولفون لين يوصل الدكتور الكلاس

بعدها يه الدكتور

الدكتور : السلام عليكم ورحمه

الطلاب بصوت كامل : وعليكم السلام ورحمة الله

الدكتور : اليوم درسنا عن الصدق

تم الدكتور يشررح لمدة ساعتين يشرح
..
خلصت المحاضرة

مروة: وييي ويي بغيييت اموووت ما صدقت قوموو يله
جود: سكتووو* هالدكتور سندرني
مروة : هههه انه فجر مخي يدهر يدهر يقررر.. قرقر قرقر
مريم : لاا حرام! المسكين
جود: ههههه سكتي سكتي هههه قوموووا مييتهه من اليييوع
مريم: قوموو بناكل الينا شي اليوم ما اتريقت
مروة : وين بتتريقين وامج هل نسره موجوده
مريم بالحزن: الله يهديها ويهدينا
مروة تضرب على جتف مريم :* ويهدينا قوميي يله مييته ميته ميته يووووع
جود: مروة على حسابج* اليوم
مروة: يله قومووو الحيين ههههه

جود ومريم: يله مشينا

..

راحو وطلبوا اليهم أكل

البنات يسولفون شوي
مروة: ما قلت لكم اليوم عندي عرس بتييون
مريم بحزن رغم ودها تروح: انه ما اظن بيي
جود: ونااسهه ملينا من جو الدراسة وضغط يبي الينا نغير جو
مروة : يله تعالو.. نغير جو
مريم: عليكم بالعافيه
مروة بحزن : ما بيحلى شي الا بوجودج الله يهدي.. اهلج وايد ضاغطيين عليج وايد
جود: لو اهلي مثل اهلج بمووووت ما اتحمل ما اتحمل
مريم بحزن: الله كريم يختج
مروة: اهلج صصج مب طبيعييين شنو هالاهل!!
مريم تحاول تغير الموضوع : ما جهز طلبنا
مروة: مدري بقوم اجوف