منتدى محبي أهل البيت عليهم السلام - عرض مشاركة واحدة

اوسمتي · 12-09-2017, 03:33 PM

لا يوجد شيئا مثير للانتباه
مثل الروتين المملللل

..
قعدة روحة دراسة تفكير

الخميس تاريخ 7/12
وايييد زحمةة
تعرفون طلعة اشغال ومدارس وعفسه
ينشحن الشارع غصب
ومحاضرتي تبدي 2
اطلع ع 12 وبهل زحمة
اوصل بطلعة الروح
الله كريم

طبعا محاضرة الخميس
كان نقاش على مشروع
شركات واهداف ورسالة ورؤية وووو
كل منا اختار
ويا من بيكون
شنو اسم المشروع
واشتغلنا على اسم مناسب ونشاطه
ورؤية ورسالة الشركة

انقسمنا ل قروبات لكبر عددنا
كل قروب فيه 6 نفر

كان اسامي المشاريع كالتالي
مستشفى
جامعة = قروبين اختارو مشروع جامعة
مصنع سياير
شركة سياحة
شركة طيران
ما اتذكر شنو بعد بس هاي اللي اتذكر
وين وصلنا اي وعطانا بريك ربع ساعة
اتذكرت ايام المدرسة الفسحة ربع ساعة
ننزل ونركب خلصت الفسحة ههههههه
رحنا ال s
اخذنا كرك انه وماريا
وبقية البنات كوفي
لتعديل المزاج

رجعنا الكلاس
..

كملنا مناقشتنا بمشروع
وانتهى الوقت وطلعنا
...

بطلع بره الموضوع

طبعا الجامعة مقررين يسون مهرجان لعيد الوطني
حركات وجدي

مطرشين مسج لكل الطلبة

طبعا سويت كوفي بيست لمسج لتجوفونه

Dear All,

On the occasion of the National Day of the Kingdom of Bahrain, TAGUCB will be celebrating the National Day next week Wednesday 13th December, 2017 from 1:00 pm until 4:00pm.

We will be having different competitions :

1- Best Outfit competition.

2- Best Traditional Food Competition

3- Best Photo Competition (about bahrain)

For any of you who is interested to join, please feel free to register your name at my office.

تنظم كلية طلال أبو غزاله الجامعية احتفالية العيد الوطني لمملكة البحرين، وذلك يوم الأربعاء المقبل بتاريخ 13 ديسمبر 2017 من الساعة الواحدة حتى الرابعة عصراً..

ستظم الفعالية مسابقات عدة:

1- مسابقة افضل لبس

2- أفضل طبق تقليدي

3- أفضل صورة عن البحرين

يمكنكم التسجيل عندي للمسايقات.

كما أن الدعوة عامة.

شكراً

..

بعد ما قريتون المسج نكمل محور حديثنا

طبعا فكرت اشترك بمسابقة التصوير والطبق
اللبس مب من صوبي الصراحة احس روحي كانني صنم معروض في متحف البحرين فما يناسبني
لهل سبب بشترك بمسابقتين بس

بعد تفكير الطويل والعريض المتين وصار ضعيف سلسول
اخترت الصورة ما راح ارويكم اياها الا بعد ما تتطلع النتيجة هههههههه يمكن لنا شوي حظ ونفوز شدراكم يله يله اخاف احطها ويصير حسد ويطيح حظنا اكثر ما هو طايح ومكسر

الطبق فكرت فيه وايد لدرجة كلحين اغير رايي فيه

..

الاربعاءموعدنا للاحتفال

قلم بحراني معجب بهذا