منتدى محبي أهل البيت عليهم السلام - عرض مشاركة واحدة

اوسمتي · 06-30-2020, 08:42 PM

في يوم المشؤوم المنحوس !!! <<<< تحديداً عند الساعة 6 صباحا

رغم الجو لطافته تأسر القلوب بإشراقته اللطيفة
الجميلة
إلا؟،!! >>>>>> إلا شنهوو؟ تحجيي!

إلا حظ بطلنا العزيز دائماً دائماً متعثر
:/ دائماً وأبداً

#(خلنا نجوف؟ + ونحكم)

جراح : استغفر الله العظيم! استغفر الله من كل ذنبه عظيييم!! شهالحظ اللي عندي دائما معاكسني وبس محسسني ريل أمه ولا بايق حلال أبوه لا بارك الله فيه من حظ عساك طيحه أزيد من جدي رغم أنا اللي ماكلنها في النهاية.. بس شغلته هالحظ يطيح حظوظ الناس وبس ويرفع عمره ويرفع من هيبته جوفوني من قدي أنا محد يقدر عليه " لاااا مصصخختت السالفة ترى وجايف عمره علينا تف عليك يالجليل الحيا لا بارك الله فييك، ولا بساعة اللي سموك فيها الحظ مطيح حظوظي يا..!

:/ ويينن! وين،؟
وييييييين قطييتت عفاستيي هاي وقته الحين مب كافي حظي طااايح ومناشبني على الكبيره والصغيره وفوق هاي كله مضيع أغراضي رغم إنني مجهزنهم أمس الا أن هالفوضوي عفس المكان فوق وتحت ضيع الأول والتالي
حظي الطايح عطاني هالانسان ليكون شريكي بالسكن لا حول ولا قوة الا بالله العلي العظيم

يا ربي متاخررر وايييد اتاخرت على الموعد
ان شاء الله بسس ألحق ما اتأخر زوود ي رب عدى هاليوم ع خيير بس رغم إنني مب متأمل وحاس بيصير شيء دام هالحظ مرافقني لزقة كأننه صمغ بلووو

>>>>>>>> على ما يجهز بطلنا عمره شرايكم نخبركم على وين الله رايح؟!! ياكم الفضول صح؟

بيقدم طلب توظيف على أفخم الشركات المعروفة عندنا
اللي متعارف عليها صعب جداً جداً أحد يتوظف فيها بسهولة
يمتلكها هالشركة أحدى أكبر الشخصيات المعروفة
اللي دائماً نسمع عنهم في الأخبار
( بالجرائد والمجلات المحلية والعالمية ومحطات الاذاعة)
اللي يمتازون بأجازاتهم الكبيرة العظيمة على مدى قرون عديده

>>>>/:وبس سلامتكم خلنا نرجع لبطلنا الحين

تي تووك (رجعنا هوووبهه) let's go

# محطة الإنطلاق تبتدي
(من سكن بطلنا لموعد الموعود المنتظرر)
جراح قبل لا يطلع " تعدي ريوله عتبه الباب" : يا رب سهل أموووووري أنت الوحيد يا ربي تعلم باللي مريت فيه وعشته لحد ما وصلت عليه الحين يا رب خل حظي يصف معاي هالمرة ويحالفني أتمنى بس أتمنى
بسم الله توكلت على الله ما خاب من توكل عليك يا ربي
>>>> يضضرب راسه تك
/: أوففف واييد تاخرررتت يلا يلا لا اتأخر زوود سيرناا

:/ وهو طالع بدأت معاه الأحداث المريعة المشؤوم قليلة الحظ وعديمته بالأصح

الأحداث اللي ما تخلص ولا بتنتهي أصلا
بتطين عيشته وتمررها أكثر ما عيشته طاينة

في بداية يومه المنحوووووسس >>> خلنا نجوف شنو بيصير معاه يلا

~~ وهو رايح لسيارته وبدا يشغلها ويحرك المحرك لانطلاق خلاص؟، ما يسسمع إلا تن تن تن طررنن
(نفذ الوقود يرجى التعبئة! ) يا وايلاتهه شهالحظ

جراح يضرب سكان بقوة : أوووووف اووفففففففففففف قلت قلت والله قلت حظي هالمعتثثرر ما بيحالفني ولا مرة نحاسة نحاسة يعني.. يومي مشؤوم من أوله نحس المنحوسس يوميي بيصير كله عيل دام بدايته جدي
ينعرف تاليييه
:/ فوق ماني متاخر بترول ما في خلص لا بارك الله فيه من هالشريك الفقر فوق ما عفس المكان خلص بترول على الأخير قحطها الله يقحططه / استغفر الله ما ابغي اسبه قلعة تقلعه من واحد
كافي يومي خره احط بالي ويا هالخره بعد
خلني أنزل اجوف ليي تاكسي بس

( هو يمشي خطوات سريعة تسابق الزمن ما يسمع إلا تشششششششش)

>>> خلنا نعرف مصدر الصوت وشصار؟

/: جراح وهو رافع يدينه على ويهه وغمض عينه وطاح الأوراق على الأرض والملف؟ التبلل

جراح بصوت مرتفع (مزاجه صفر) : هيييييييييييي!!

موظف المحل ( الهندي) : اسف بابا آسف sorry .. I'm sorry

جراح : انجللع عن ويهيي قاايل يومي من بدايته نحس وهاي تكملة إليه ناقصني اتلعوز وانرش بالماي وشلييي مار هني فوق هاي بعد الأوراق تبللت بعضهم استغفر الله العظيم من كل ذنب عظيييمم!

>>>>> : الموظف وهو ماشي هاز راسه بمعنى الاعتذار ودش المحل

جراح: شلون يعني الحين؟ جنني داش بحر مب مار طرييج استغفر الله ولا يمديني ارجع أبدل ياربي متـــاخــرررررررر

وهو ماشي ينظف عمره على سريع
>>>> أتييه المصيبة تو (2)
المصيبة الأعظم
مثل ما ينقال الخافي أعظــم >> يلا خذ

البلاوي أبد ما راح تخلص

من بعـييـد بييب بيييب

>>>أتيي سيارة فلت بسرععة البرق وتطيير كل الوصخ اللي بالأرض وترش بطلنا رشش وتلصقه فيه
(وتختفي بلمحة عين السيارة )

جراح ورافع يده بعصبيه بنبره مرتفعة وحادة: عسسسااااككككك العمى وتكسسير ان شاء الله عساك الحول اكثر ما انت أحول عمى تعميك يا الاحول ما تجوف ليش تمشي فلت عسى مصارينك تتفلتت
ناقصصني وصاخةة طين لا بعد ريحة زفرر شليي مار صوب واحد بيبيع سمج وفالت الماي هالصوب
اوففف ريحتي م تتشاهد ولا تنطاق الحين شسوي بعمري اذبح عمري كافي الدنيا صفعتني تصفيع والحين يطلع ليي هالخمه ويرشني
حظي داييما معاكسسني متى بتتعدل وتصير ريال متى بسسس؟

>>> لمح تاكسي يياي
جراح وهو يطالع ساعته ويسوي إشارة بيده : تــاكــسسسييييي

*": وقف التاكسي : تفضل؟ على وين يالحبيب

جراح : لوسمحت بغيتك توصلني لشركة...

>>> قبل لا يكمل بطلنا كلامه وهو فاتح باب السيارة قاطعه راعي التاكسي رفع راسه : هيييي هييي خوووك لا تعتب ريولك موتري

جراح بنظرة حادة: عفوا؟

راعي التاكسي : شهالريحةة ما تتسبح أنت لا تركب لا تلعوزنا مب ناقصيين ريحة زفررر ووصاخةة بعد
جوف لك أحد غيري يوصلك أوفففف بس رييحتك استغفر الله سكر الباب بس سسسكر >>> وهو ساد خشمه

(جراح بعصبية وبنظرة يصك الباب بقوة ويمشي)

راعي التاكسي وهو مطلع رأسه من الدريشة: عسسى يدك الكسسـررر يا جليل الحيا

///: جراح مب مهتم اليه عطانه وضعية التسليك
السيييييينننن