منتدى محبي أهل البيت عليهم السلام - عرض مشاركة واحدة

اوسمتي · 07-02-2020, 10:06 AM

بعد مـا مــــر وقت طويل
مرت مصايب وايــــد على رأس ( بطلنا)
الله يستر من اليـاي !!
مـا يندرى بتنتهي المصايب ولا بتزيـد ؟؟!!
الحظ هالمرة وكـل مرات مب محالف صديقنا ( بطلنا )

<<< وصل بطــلنـا ( أخيــرااا ) لموقع الحـدث لـ مـكان المنتظر !!
وصـل لنقطة البدايـة اللي بتبدي فيـها تغيييـرات الجذريــة
تغيرات بتطري على حيـاته قبل مسيرته المهنية ؟

أخذ نظــرة خافطة على المبنى قبل لا يـدش يـتأمل حيـاته بعد ما يتوظف

(بسـم الله .....)

#<<< أول ما عتبت ريوله داخل الشـركة لكل من حواليه يطالعه بنظرة حـــادة
وســاد خشـمه بسببت الريحـة اللي لصقت في بطلنا بعد الاحوادث المريعـة اللي صارت له وغير اللي بتصيـده بعديـن !!
( مب بس جدي السالفة غير انهم صارو يتهامسون ما بينهم عليه ) : اوفففففففففففففففففففففففف شهالــريــحة اللي داشــه علينا من وين طايـح علينـا شكله ما يتسبح ولا جسمه يجوف الماي المعفن الوصخ فوق قوايــه عيونه يـاي أفخم الشــركات في البلد صج ما يستحي على ويهه جوفوه جوفوه

: طبــعا ( جـراح ) عاطي الكل وضع التسليك " الســـيــــــــــن" كـافي اللي صاده من شوي مب نـاقص بعد يتهاوش ماله براض أي شي

جـراح متوجه للاستـقبـال لـ يسال : السلام عليكم ورحمة الله أختي ...
( ملامح الموظفة ما تبشر بالخيــر كلششش )
موظفـة الاستـقبال وهي ترتيب الاوراق شـمت الريـحة رفعت رأسـها : وعلييكم السلام؟؟ تفضل شلـون أساعدك
جـراح : عندي موعد لمقابلة العمل
موظفة الاستقبال وهي ساده خشمها بيدها :لو سمحت الاسـم ؛؛؛
<< مب متحملة الريـحة غطت خشمها بعياية ما فادت لا يدها ولا العباية الريحة قوية قوية قامت فتحت شنطتها طلعت عطر ترش بشكل جنوني هستررييي
:::( جراح يطالع بنظرة حادة )

جراح هو فاهم حركتها : جراح

الموظفة وهي تدور اسمه : ج جر جــراح جراح جراح جراح جراح ... لقيته مدوعس فوق عفوا أبو ريحة أقصد سيد جراح أنت متاخر من ساعتين وشي والحين بتطق 3 ساعات المفروض تلتزم مواعيدك ونظافتك الشخصية رغـم هالشي الا ان حظك محالفك شكله الا ويهك ما يدلي على هالشي في واحد تعتذر عن الحضور لاسباب طارئه وكنسل موعده تقدر تاخذه

جراح قبل لا ينطق تكتف ورافع يده يعدى باصابعه: أول شي باخذه وثاني شي للا سف حظي مب محالفني للاسف مثل ما قلتين من شوي والسبب لانني جفت أمثالج وثالث شيء تكلمتين عن نظافتي قولي أهون بــ وايد من الالوان والاصباغ اللي مخلتنها على ويهج طحييين درزن ولا كلييو نظافتي ولا غش مب عدل ؟ ويه مزيفه خادع للحقيقه وأنصحج تحطين لـ ويهج سلطات وعفسه لتتحسنين من مظهرج شوي اللي يلوع الجبد استغفر الله ورابـــع شي : الله يعيين وأدعي من أعماق قلبي الله يعيين الله يعييين اللي بياخذج ويطالع ويهج بيخترع كل يوم من الصبح من يقابلج الحمدلله والشكر قولي بعد جمــالي ربانيي

الموظفة معصبـة بس ما لقت كلام تقوله أكتفت بالسكوت : -

جراح يتهامس بينه وبين نفسه : الحمدلله رب العالمين هالمره رضى عليي هالحظ ووقف يمي ودزني على الحافه

الموظفة : عفـوا !!!!!!!!!!!!!!!!!!!!!!! قلت شي ؟
جراح : أكلم روحي يعني الواحد ما يكلم عمره بعد بهالشركـة ؟
الموظفة بصـوت مسموع : الحمدلله والشكـر فوق ريحته الخايسه طلع مينون
جراح بنظرة : صج قوية عيون هههههه رغم الحجي اللي انقال لج تقدرين تصوين لو انا كنت مكانج سكتت وبالع الموس .. انتين بعد اللي حطيتين عمرج بهالموقف وفـ خلج قده واتمنى هالموقف يكون درس لج عشان مرة ثانية لا تقللين من شـأن نفس غيرج وما تحترمينهم وتكلمينهم من طرف خشمج وانتين اساس ما تعرفين الظروف اللي هم مروا فيها !! فهمتين يا أختي المحترمة

الموظفة والخجل يتعال في ويهها : أعتذر أخ جراح تفضل أسـتريح على ما ينادونك
جراح : شـكرا

(راح جراح قاعة الانتظار توه بسم الله بيقعد الا الكل من حواليه طفر من محله وقام )

جراح : أحسن وفرتون ليي الجو حسستوني فيروس القاتل المميت عشان تفررون منه وتفررون من جلدكم الحمدلله والشكر حبيت أبشـركم معــاكم ( ســيـــد كورونــا ) ملك الهيبـات

<<< مزاج بطلنا ( زيــــروو 0)

شـنهو تتوقعون بيصيده جراح بـعد ؟
مب كافي اللي صاده ولقى الكل يتباعد عنه كانه غريب ولا كائن فضائي
كانه مب نفسهم أنسـان اليه مشاعر سببوا اليه أذى نفسية بتصرفاتهم ما حترموه ولا فهموه ظروفه

هاي عيب الناس تحكم على الشخص من مظهره وبس
تحكم عليه بالاعدام ولا السجن المؤبد

ياخي تراه حاله من حالكم من بني آدم

للاسف نعيش في زمن اختلفت النفوس ولا هي قلبها على بعضها

بـعــد مرور 15 ( ربع ساعة) : <<<< صوت من بعيـــد : أذلـــــــــــــــــــــــــف لا بـارك الله فيك لا بعد ياي يتوظف في شركتنا وعنده بس ثانوية عامة روح أشتغل عامل نظافة أحسن لك ولا تروايني ويهك مره ثانية اللي بــــــــــــــــــــــــــــــــعــــده !!!!!!!!!!!!!!!!!!!!!!!!!!! ( اللي بعدوووه)

يـا ساتر !! هالموظف منفس على الكل والحين دور صديقنا البطل ( جراح )
الله يستـر شنو بيصير معـاه
الله يستر من اليــاي ( الخـافي )