منتدى محبي أهل البيت عليهم السلام - عرض مشاركة واحدة

اوسمتي · 10-07-2020, 12:07 PM

خليل يهف ( يجيك ريحة بوزه)مشكك بعمره : شيقصد هالعيوز هالمتدقق؟ لما قال في ناس ريحة بوزهم خياس وساكتين متحملين؟ انه شحلاوتي تنبع مني ريحه حلوه ريحه ريحان نعناع اكيد يتكلم عن نفسه ما عنده ذوق
حتى ذوقه مثل ويهه ودليل بيشغل هالخمه معانا
خلني أتابع مسلسلي مدري اي حلقة وصلت خلني أجيك اييي وصلت حلقة 100 يله خله أقعد أطالعه وعقب اجوف صرفه ويا دلين!
..

يت موظفة الاستقبال : عفواً أستاذ خليل
خليل بصراخ : الواحد ما يترتاح بهالشركة؟ خير شتبين يا عله
الموظفة بينها وبنفسها : شهالزفت عباله اشتغل عنده لا بارك الله فيه ويه النحس كافي متحملينه والقهر عايش الدور.. لا عاد ريحه بوزه وع وع

خليل متكتف : هييييي ويش اكلم الصنم يعني ولا الطوفه ما تردين صارلي ساعة؟

الموظفة: اعتذر أستاذ خليل في واحد مقدم على الوظيفة أخليه يدش؟

خليل : شكله ما بنخلص من هالحشرات اليوم؟ خله يدش

الموظفة : تمام >>> كانت بتمشي

خليل: تعالي أم السعف والليف

الموظفة بنظرة : -

خليل : تصلي حق اللي ريحته الزفر وخله أيي الشركة باجر سمعتين؟

الموظفة : أوك

خليل: يله اذلفي

الموظفة بداخلها : جليل الحيا

...

# نغيير جو شوي ( نروح لبطلنا العزيز)

جراح : أخيراً وصلت ما بغيت.. استغفر الله حظي دايماً معاكسني مناشبني بكل خطوة يحسسني مرته ضايعة ولاقني بدلها لا حول بس خلني أخذلي شور واعدل مزاجي بكوفي وأقرا ليي جم كتاب أهدي أعصابي بعد اليوم اللي صادني اوف الله لا يحط احد بهالموقف
..

بعد مرور ساعة ونص تقريباً

تلفون جراح ما سكت كلش تن تن تن تتن

جراح وهو طالع : أووفف شهالازعاج ما بغيت أرجع أرتاح الا هالتلفون ما سكتت لا أكسره سندرني

>>>> جراح يشيل تلفون ويرد : الو
الموظفة : الو السلام عليكم ورحمة الله
جراح : وعليكم السلام ورحمة الله وبركاته
الموظفة : أستاذ جراح
جراح : تفضلي
الموظفة : معاكم شركة..... / أنت مقدم على وظيفة عندنا
جراح: اي نعم
الموظفة : بعد اذنك يمكن تتفضل زيارتنا الشركة باجر اذا يناسبك
جراح : اوك مب مشكلة
الموظفة : شكرا جزيلاً

انتهت المكالمة

جراح: الله يستر بس؟ توه نافخ ريشه الافندي والحين متصلين فيني اروح باجر؟

تتوقعون شنو بيصير باجر؟ >>>ما اقصد على القبول وانه بيتوظف عندهم
هل الأوضاع بتكون اوك ويا جراح وخليل؟