منتدى محبي أهل البيت عليهم السلام - عرض مشاركة واحدة

اوسمتي · 03-26-2022, 08:45 AM

ساعات!
أو خلنا نقول بدل ساعات أغلب الأوقات
الإنسان يحتاج أنه يفضفض ويتكلم باللي داخله!
لأنه اللي بداخله كاتم على صدره وضايج نفسه! يحس عمره ينفجر خلاص!
أي خلاص ( محد حاس فيه ولا أحد فاهمنه)
يحس نفسه بلا أحساس عشان اللي حوالينه ما يحسون فيه..
ما يندرى شنو الأسباب؟ يمكن من قوة أبتسامته بشوش دايماً يضحك ويضحك اللي حوالينه يرسم الابتسامة على ويه غيره.. يخفف من حملهم وثقلهم؟،!
يسمع حقهم يداريهم ويونسهم
نزين وهو؟ ليش محد يسمعه أو يلاحظ وجوده
بهالزمن محد يلاحظ وجودك إلا حزه حاجته ويلقى مصلحته فيك وياخذ اللي يحتاجه تاليها لا يدري عنك عايش ولا ميت

..

يمكن اللي أكتبه يلامس أحد بشعور ولا موقف
كلنا نمر بمواقف ولا نعيش لحظات
فجأة يحتوينا شعور ولا احساس غريب
لا ينوصف ولا ينقال!
جدي جدي ماكلينها مثل ما نقول
ساعات يقولون الفضفضه اللي نكتبها على شكل خواطر ولا قصيدة تعكس اللي بداخلنا
من كثر الكتمان نحتاج نتكلم نحتاج أحد يحسسنا بوجودنا ويلاحظنا!
.. ��

يلا شنقول غير الله كريم لا باليد حيلة
والنفس طويلة
عسى الياي أحلى وأجمل من الحين