منتدى محبي أهل البيت عليهم السلام - عرض مشاركة واحدة

اوسمتي · 09-25-2017, 09:38 PM

تمسُكنآ بقنآدِيلِ آلأمل كفيلةٌ بأنْ تُنيرَ لنآ طرَيقاً جَديِد . .

كل ثانية
كل دقيقة
كل ساعة
كل سنة

يتغير الزمان وتبقى الاحداث
مرسوخة بالبال وتبقى معلقة داخل الفؤاد

#يوم يديد
#يوم مختلف
#احداث غريبة عجيبة
نفوس نقية وقلوب طيبة لا مثيل لها

#اي_تي "مقدمة تكنولوجيا
هددووء دامس حل بالمكان لبعض ثواني !

ون
تو
فري
فور
5
6
7
8
9
10
بووو مفاجاة
طالبات يدد حلوين طيبين وايد دمهم خفيف وروحهم مرحة
*
طبعا راح اعرفكم عليهم >>> عيشووو الاحداث اليوم

يوم مثير عجيب لكن طويل
وفترات مختلفة
اليوم متعب بس بنكهة المرح والوناسة

*اي_تي
*Eng
*اكونت

..
اليوم طوويل ! بس الاحداث مثيرة عجيبة
يله نرجع لمحور حديثنا يا حلوين

لكوني طالبة جامعية اجتماعية
لازم يكون روحك مرحة مع لكل ..ليتقبلونك مثل ما انت
كن على طبيعتك لا تفكر ابد تتصنع
لو تفكير بهالشي
بس حق تدور رضاهم ؟
سمع مني رضاهم ولاشي !

نرجع لمحاضرة " اي تي "
ضربناها سوالف وضحك>>> خبرينا شلون ؟
طبعا تعرفت على بنات طيبين رغم معرفتي فيهم بسيط الا قلبنا معرفة البسيطة لصداقة واخوة

#نورة الدوسري: انسانة عجيبة غريبة تحب المزح لابعد حدود معروفة بالجامعة "محرك الوناسة " سوالفها وتشبياتها فناتك الصراحة
عمرها 22
#نورة "2" : انسانة طيبة وخلوقة تحب الخير لكل اجتماعية مثل نورة الدوسري لكونهم ربع منذ سنوات طويلة .. عمرها 22
#ابرار: انسانة طيبة مثل بياض قلبها طبعا تحب مزح وغشمرة ..عمرها 17 بتدش باذن الله ال 18 شهر 12 كل عام وهي بالف بخير
#فاطمة : انسانة بسيطة وخلوقة طيبة على نياتها تحب المزح والغشمرة عمرها 19 بتدش ال 20 ههههه بتصير نفس طختي العشرينية

..

طبعا بعد سوالف الحلوة الطويلة ما حسينا بالوقت ابد
لدرجة راحت نص وقت محاضرة
للحين ما ييت الدكتورة
الصدمة ؟
هههههه طلع مغيرين الصفوف من ورا ظهرنا
انصدمنا بس يله الغلطة مب غلطتنا
صارت تغيرات شوية على صفوف
سبب الاعداد الطلبة
طبعا بكل هدوء انتقلنا لطابق " 3 "
دخلنا الصف طبعا
طبعا ضاعت ساعة كاملة هههههه اصلا عادي
دخلنا وسلمنا
قعدنا طبعا
اللي تدرسنا هندية
اعطتنا اوراق كتبنا فيهم
طبعا هههههههه
الاخبار الشينة عندنا اختبار يوم الاربعاء
ما مدانا ناخذ نفس الا تقول بعطيكم اختبار
..
خلصت الحصة على خير وطلعنا
ورحنا " s" الكافتيريا
خلنا مكان وناسة وفرفشة
لعبت مع بنات تنس طاولة واخذتنا السوالف
اكثر من ساعة تقربيا

..

نص ساعة اخذنا فره على الجامعة هههههه ننزل نركب ننزل نركب
هاي سالفتنا ما ورانا شي
اخر شي رجعنا ادراجنا " مكان الوناسة"
سوينا اوردر
انه وابرار وفاطمة ..نفس شي +عصير ليمون فرش وعصير همبة فرش

..
قعدنا نسولف شوي
بعد ما بقى الا ربع ساعة على المحاضرة يايه
رحنا الطابق "3"
قعدنا داخل الصف على ما اتيي الدكتورة طبعا اعداد تتزايد كل فترة
اول ما دخلت الدكتورة " هندية" تغرد لنا
عرفتنا على نفسها وتكلمت شوية عن الدرجات والمادة الخ
بعدين وزعت الاوراق
في بداية رتبتهم وتعطيني اياهم اعطي اللي ورايي
احس روحي ههههههه باص نقل كلحين اودي ورقة
بعدين قرات لنا الفقرة .. خلاتنا كلنا نغرد
كلحين تقوم اثنين " بنيه وصبي" يقرون
ههههههه تقول عنا فصيلة الببغاءات نعيد ونزيد بالكلام
بعدين خلاتنا نعرف على انفسنا من وين وووو
وشنو ناويين نشتغل
انه ما ضحكني الا ما تسال الشخص انت من البحرين
Are you from BH ?
لا والله تصدقين اصلي باكستاني عايش هني ههههههههه

طبعا كملنا على خير تعدينا مرحلة الخطر مثل ما يقولون
طلعنا ورحنا طابق "s" الكافتيريا
هههههههه طبعا رحنا محلنا
قعدنا نسولف شوي
وطلبنا لنا شي نشربه
انه +ولاء+ ابرار
انه وولاء عصير ليمون ههههههه نبرد على قلبنا شوي
ابرار طلبت لها شي تاكله
..
بعدين لما يت 3
رحنا الطابق "4" اكومنت
ههههههه جافنا الدكتور وقفنا عباله نفتر وجي
سالنا ؟ شعليكم >>> بصوت واحد اكونت
الدكتور: تفضلو دشو هني

هههههههه دخلنا طبعا انه اسلم بس محد يفيسني ولا يعبرني ولا هم يحزنون شنسوي السلام لله
المهم طبعا قعدنا نسولف مع بعضنا " انه+ابرار+ولاء"
على ما يه الدكتور وجي
طبعا زاد العدد بس صار فلم هندي هههههههه بخبركم صبرو شوي اخذ نفس
امزح امزح ههههههه وين كنا
اي بعدين دش الدكتور
الفلم هندي هني استوى هههههههه
نطر صبي على الدكتور زين ما اكله هههههه
الدكتور بيحط اغراض
الا الصبي وقف فجاه يسويله
دكتور شكلك غلظان ؟
دكتور ساله ليش
قال له المحاضرة انج الحين ؟ جوف الجدول
الدكتور طلع
رفيجتي نادتني
هههههه كلنا نقول للصبي انت الغلطان دكتور صح
قال لا انتون غلط
قلنا له الصفوف اتغيرت روح التسجيل خذ جدولك
هههههه المسكين صار ويهه طماطمه
نقول له رجع لنا دكتور هههههههه
امبيهه ماله حل اتفشل من القلب
..

يه دكتور : المحاسبة
عرف لنا عن نفسه
وشرح بشكل عام عن مبادئ المحاسبة
وتقسيم درجات من كل نواحي
الحضور والغياب
الامتحان المنتصف
الامتحان النهائي
اختبارت الشهرية
عملية
نظرية
..

بعد يوم متعب لابد من الراحة

admin معجب بهذا