إلك مشتاق يا عاشور
وأترقب إلك كل يوم

أريد ألطم على صدري
وأريد أبجي على المظلوم

إلك مشتاق يا عاشور
وأترقب إلك كل يوم

أريد ألطم على صدري
وأريد أبجي على المظلوم

علاقتي تدري أنا وياك ، وصار إلها العلاقة سنين
من زغري وعلى الدنيا أوَّل مافَتَحت العين

أشوف أمي تون وتصيح على العباس ويَّه حسين
ومن ماتم الى ماتم تاخذني بدمع مسجوم

إلك مشتاق يا عاشور
وأترقب إلك كل يوم

أريد ألطم على صدري
وأريد أبجي على المظلوم

قبل أيام يا عاشور استعديت آنه للخدمة
وشرف ليِّ يصير اسمي أقل خادم لبو اليمة

وشما أبذل امقصر لأجل اللي بذل .. بذل دمه
وأحرم نفسي لأجل اللي من شرب العذب محروم

إلك مشتاق يا عاشور
وأترقب إلك كل يوم

أريد ألطم على صدري
وأريد أبجي على المظلوم

من قالوا جميع الناس هل بهالسنة عاشور
صحت مأجورة يا زهراء ويا حيدر علي مأجور

بسبط المصطفى واللي تركوا النحر منحور
سافي التُرب أكفانه ، وتغسيله نزف الدموم

إلك مشتاق يا عاشور
وأترقب إلك كل يوم

أريد ألطم على صدري
وأريد أبجي على المظلوم

من هليت يا عاشور هلالك هيج إحساسي
ثوب الفرح شلته وصار ثوب الأسود إلباسي

أريد أبجي بكل ماتم وأريد ألطم على راسي
فدوة راسي وصدري إلى سبط النبي المهضوم

إلك مشتاق يا عاشور
وأترقب إلك كل يوم

أريد ألطم على صدري
وأريد أبجي على المظلوم

من اسمع صوت القراية والناعي بدأ ينعي
أروح الماتم بهمة ويجري مني جفن دمعي


كل ماتم اتصور الزهراء اتصيح آه ضلعي
ضلوع حسين نستني كسر بكسرها ضلعي المهشوم

لو طول الدهر ألطم ، ولو طول الدهر أنحب
دمعي كله ما يساوي دمعة وَحدة من زينب

ولو تنسلب مني الروح ، ولا أسمع خدرها تسلَّب
ورقية موتها بالشام على كل شيعي زاد هموم

إلك مشتاق يا عاشور
وأترقب إلك كل يوم

أريد ألطم على صدري
وأريد أبجي على المظلوم