المساعد الشخصي الرقمي

مشاهدة النسخة كاملة : لطمية مو فرات ملا باسم الكربلائي محرم ١٤٤٣ مكتوبة

admin
07-31-2021, 07:30 AM
📜قصيدة : مو فرات
✒️للشاعر : السيد عبدالخالق المحنه
📀 : اصدار 1443
🎵 طور : #انني_ام_بي #قسماً

مو فرات .. ضميرك اسن
مو فرات .. جزائك دفن ‏
تمنع مايك عن طفل ‏
ضامي يمك ينقتل ‏
مو فرات
◼️◼️◼️◼️◼️
منشأ الماي او عطش تعرفها صعبه
والفرض لخيامه تمشي وما تتعبه
وافتخر عالدنيا لو مايك يشريه
والله لو منك اظل اجري اعله گلبه
بالله ليش .. امام السمه
بالله ليش .. ‏يكتله الضمه
باجر حتماً تنسأل ‏
ضامي يمك ينقتل ‏
مو فرات
◼️◼️◼️◼️◼️
من سمعته ناده ضامي ما اجيته
والله لو عندك وفه مايك بجيته
عينه مشبوحه الك حتى بمنيته
ظلتك المن بعد يالما رويته
عن حسين .. مسافة شبر
عن حسين .. يمنعك شمر
عذرك عدمن ينقبل
ضامي يمك ينقتل ‏
مو فرات
◼️◼️◼️◼️◼️
من اجه راعي العلم ناشف وريده
ما طحت بيده تريد ايمدلك ايده
انته منهو ولجلك ايدنگ تريده
هو دنگلك لجل يروي عضيده
من رماك .. ‏اهانة ودرس
من رماك .. يريدك تحس
هو الذلك بالفعل ‏
ضامي يمك ينقتل ‏
مو فرات
◼️◼️◼️◼️◼️
من رمه الماي ومشه شو ما تبعته
ولا رحت تتعذره يم خيمة اخته
والمصيبة لمن انصابت جربته
ظل يباوعلك ولا چنك عرفته
ما يشوف .. عماه السهم
ما يشوف .. بعيدة الخيم
وانت تريده ما يصل ‏
ضامي يمك ينقتل ‏
مو فرات
◼️◼️◼️◼️◼️
من علي الاكبر عطش لونه تغير
تدري من كثر الضمه السانه تفطر
وانت تجري وما تحس ابجمرة الحر
من عمت عينك اذا ما تروي الأكبر
‏ باختصار .. اشوفك ذنب
باختصار .. ابد مو عذب
شفته وتگدر تحتمل ‏
ضامي يمك ينقتل ‏
مو فرات
◼️◼️◼️◼️◼️
من اجه عبدالله ضامي وانت شفته
ابحضن ابوه يتگلب وتجري دمعته
طلع ايده من الگماط وتنظر انته
ظنه ماي وينشرب مو دم رگبته
ست شهور .. ذبحته وعشت
ست شهور .. عسنك متت
ظالم ذنبك مو سهل
ضامي يمك ينقتل ‏
مو فرات
◼️◼️◼️◼️◼️
#اللهم_عجل_لوليك_الفرج