المساعد الشخصي الرقمي

مشاهدة النسخة كاملة : قصيدة دنيا قهرت بنت علي | باسم الكربلائي | ليلة ١ محرم ١٤٤٦ | مجالس العزاء | مكتوبة

admin
07-13-2024, 09:43 PM
قصيدة دنيا قهرت بنت علي | باسم الكربلائي | ليلة ١ محرم ١٤٤٦ | مجالس العزاء | مكتوبة

📜قصيدة : دنيا قهرت بنت علي
✒️للشاعر : سيد آدم الحسني
📌 : ليالي محرم الحرام
📅: ليلة 1 محرم 1446 هـ
🕌:جامع وحسينية الرسول الاعظم - بغداد حي الإعلام

دنيا قهرت بت علــي بهلالها
هل عليها محرم وشل حالها
▪️▪️▪️▪️▪️
هل عليها هلال بــي عين وسهم
وجف كطيع وجود مرميه وعلم
وبي تشوف النار شــبت بالخيم
بي تشوف اعــــــله النهر كفالها
▪️▪️▪️▪️▪️
لا تهــل يهــــلال ويهــل الدمـع
نادته وتلجم دليلــــــي المنفجع
لا تذكرني بعــــلي لـــمن تشــــع
جن علي الاكبر تشـــــوفه كبالها
▪️▪️▪️▪️▪️
تذكر حســـين وجبيـنه المنجـــرح
تشوفه فوك الكاع طايـــح منذبح
وبالهلال تشوف راسه اعله الرمح
هاي زينــــــــب والحــــزن يبرالها
▪️▪️▪️▪️▪️
زينب بــيا حـــال وبــيا نايحــــه
شافــت بدور الهـــواشم طايحه
شافت الشـــــبان كلــــها مذبحه
وبالخيم عطشانه كـــــل اطفالها
▪️▪️▪️▪️▪️
بالهلال تشـــوف جربه ومشرعه
ورايه طاحت من جفوف مگطعه
وبي بنات الهادي كلـــها مـــروعه
وهي مذعـــــوره وتلـــــم بعيالها
▪️▪️▪️▪️▪️
حيره حيرتها وتعاين للهلال
تشوف قوس ومن يشع يرمي النبال
وبي عليل تشـــوفه مكـــيود بحبال
وطفله طاحت لجن محــــــد شالها
▪️▪️▪️▪️▪️
تشوف ليل وبي خذوها اعله الهزل
بالصياح وسوط وحجار و ‏حبل
بالهلال تشوف اهوال وتهل
بطلعتك هايه تغير احوالها
▪️▪️▪️▪️▪️