|
لطمية أبريلك الذمة حسين فيصل مكتوبة إصدار للموت محرم 1444 هـ
ما ابريلك الذمه اداء و الحان حسين فيصل كلمات: أحمد الطويل من إصدار للموت لا والله ما ابريلك الذمه.. هذا حسين تعرف لو نسيت اسمه آنه ام الحسن.. واطلبك يازمن لا والله ما ابريلك الذمه آنه الغابت شمسها بغيب الالام.. أنا الماتت عمرها ثمنطعش عام أنا بنت الرسول وروح الاسلام.. أنا زوجة وصيه ام الاكرام خديجه تصير امي.. كفيل الهادي عمي عندي عتاب يالماتسوه المعاتب ياغدار اوقف خلي نتحاسب بالسر والعلن.. اطلبك يازمن لا والله ما ابريلك الذمه ********************** آنه ام ابيهـا وقاطعه البيد.. للطف اعتنيت وقلبي بالايد مااعتب عتابي وياك شيفيد.. من عترة محمد قلي شتريد يالماعنده غالي.. تالي وياك تالي اهل البيت احنه والله كرمنه..وي ابليس بيديك اهدرت دمنه يارب الفتن.. اطلبك يازمن لا والله ما ابريلك الذمه ********* خذت مني ابويه ووحدي ظليت..استغليت الوصيه وكلشي سويت خذت مني جنيني وضلعي طقيت.. اغصبت حق الامامه وبينه ضحيت واحنه قلنه فدوه.. لله التعب يسوه من طبروا علي انت اهدرت دمه.. ومن سموه جفك للحسن سمه وبلا شك اذن.. اطلبك يازمن لا والله ما ابريلك الذمه ******* يم اهل الكساء برقبتك دين.. خذتنه اربعتنه عوف الحسين وخل عباس لا تقطعله جفين.. زينب من بعدهم تتجه وين عمت عيني عليها.. اخوتها وبنيها عقب حسين من تلقي الشمر يمها.. آه وآه عالمظلومه مثل امها خذت منها الوطن.. اطلبك يازمن لا والله ماابريلك الذمه ******************* مابين الذبح والسم والسجون.. مابين الشتيمه وضرب المتون مابين النفي ودمعات العيون.. جم ثارلنا بيد المهدي مرهون امن الحجه يظهر.. منك لينا يثأر حقنا يعود دام المهدي طلابه.. يالوياك ابني طلابته اطلابه عماته انسبن.. اطلبك يازمن لا والله ما ابريلك الذمه |
| الساعة الآن 09:58 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يتسخدم منتجات Weblanca.com
new notificatio by 9adq_ala7sas
HêĽм √ 3.2 OPS BY: ! ωαнαм ! © 2010
Developed By Marco Mamdouh