منتدى محبي أهل البيت عليهم السلام - قصيدة غصبا على الما يبايعه| باسم الكربلائي | ليلة ٥ محرم ١٤٤٦ | مجالس العزاء

قصيدة غصبا على الما يبايعه| باسم الكربلائي | ليلة ٥ محرم ١٤٤٦ | مجالس العزاء | قصيدة مكتوبة

📜قصيدة : غصبا على الما بايعه
✒️للشاعر : انيس الخفاجي الكربلائي
📌 : ليالي محرم الحرام
📅: ليلة 5 محرم 1446 هـ
🕌:جامع وحسينية الرسول الاعظم - بغداد حي الإعلام
🎶طور: #هيهات_ماننسى_الضلع #الله_اليعينك_ياعلي

غصباً على الما بايعه يبقه امير الكوفه
▪️▪️▪️▪️▪️
مسلم بكل خطوة الله امسدده
هذا ابو السيرة العظيمة الخالده
هُمه بالالاف وهو لـوحده
يبقه امير الكوفة غصباً عالعده
هو الامير وهيبته هيبة علي المعروفه
▪️▪️▪️▪️▪️
واثق الخطوة ملك يمشي ويسير
شمرته شمرة علي يعني چبير
حيدر الـرباه شـتتوقع يصير
بلايه شك يطلع مثل حيدر امير
هي الامارة تلوگ إله ميعوفها ومتعوفه
▪️▪️▪️▪️▪️
بني هاشم هُمه اسياد العرب
وآل امية اعليهم العار انكتب
كلشي يلمع مو ذهب الا انحسب
الفضة فضة والذهب يبقه ذهب
من بني طالب والنعم نخوة وشهامة موصوفه
▪️▪️▪️▪️▪️
وحده صح بس يمه يا ويله الـوصل
يبين هنانه الجبان امن البطل
جبل مسلم والجبل عالي يظل
الوادي وينه ووين يوصل للجبل
مسكين لـگباله وگف گلبه وگف من خوفه
▪️▪️▪️▪️▪️
المسألة مو مسألة كثرة وعدد
المسألة الـمنطي عهد يوفي العهد
ولابو اليمه وفي چان لاقصى حد
وكلمة السر عنده يا حيدر مدد
كل ضربة يهتف يا علي والجيش ذل صفوفه
▪️▪️▪️▪️▪️
هاشمي وطبع الهواشم ما تذل
مسلم ومو بس حچي گول وفعل
يدري بالكوفة يموت وينقتل
والمهم ثورة احسينه تكتمل
لحسين يرخص منحره لاجل النصر بطفوفه
▪️▪️▪️▪️▪️
ابوذيات : وصله ، بالله ،يطوعه
للشاعر : ناظم الحاشي

خبر مسلم لابواليمه .. وصله
ذبيح مگطعه لجله .. اوصله
گام ومن بعد سلم .. وصلى
وگله الاجر يامسلم عليه
▪️▪️▪️▪️▪️
ابد ما منشده بالموت .. بالله
مسلم والجزاء ايعرف .. بالله
على قصر الاماره قسم .. بالله
نذر دمي لابن حامي الحمية
▪️▪️▪️▪️▪️
مسلم من دخل عدها .. يطوعه
عرف ما واحد اللي بيهم .. يطوعه
حقها على الزلم تفخر .. يطوعه
مره وكسره خشوم الزلم هيه
▪️▪️▪️▪️▪️