منتدى محبي أهل البيت عليهم السلام - عرض مشاركة واحدة

اوسمتي · 03-26-2022, 08:46 AM

حالنا دايما
من نحط راسنا على المخدة
تكون الدمعة بطرف العين
وتطيح!
اي تطيح بوسط هالظلام
حق لحد يلاحظها
أو يشفق على حالنا
مخنوقين وايد، خنقتنا العبرة
والبوح صعب
الكتمان مهلك،
لا أحد حاس ولا هم يحزنون
داخلنا صراع حاد!
لا يتوقف ولا يهدى
مثل الموج يتضارب ويتعالى..
تعبانين وتعبنا أثقال ما تنحمل!
ليش البشر ما يرحمون بعضهم البعض؟
لا يرحمون ولا يخلون رحمة الله تنزل
استغرب وايد؟
يحقدون ويحسدون بعضهم
تجوفه جدامك شحلاوته يا زعم بريئ
بس من وراك ينحش من لحمك ويطعن فيك
يقولك كلام كلام ما قلته ولا تدري عنه
اول مره تسمعه حتى
يحسون هالشيء أنجاز
واووووووو!
يسون عمرهم ما يدرون
أن تالي حساب كتاب
متحاسبين على كل شيء
كل شي مسوينه عائد لهم بالمحسوب
سوا
بالخير أو بالشر!
حتى على نواياهم يرزقون
بس شنقول عندهم هالشيء عادي
نفس حلاوة؟
لا بعد ياليت هالشي بس
يدخلونك بسوالف مالك دخل فيها
ولا لك خص
واحيانا يتكلمون بأسمك وبـ لسانك
ناس مريضة والله
ما على المريض حرج
الله يشافيهم
الحمدلله والشكر على نعمة العقل
..

وقت ما اييهم سكرات الموت يخافون
ويوتعون على نفسهم
تعالو؟
يا فلان سامحنا يا علان اغفر إلينا
ويش فايدة الندم بعد ما فات ولا عاد ينفع الصوت
أرجع لرشدك وحاسب لنفسك
ترى الدنيا محطة
كلنا عابرين فيها
في يوم من الايام راحلين عنها
خلنا نترك أثر طيب وذكرى جميلة
لعله احد بعد موتنا يذكرنا
نحتاج من يترحم علينا مو يدعي علينا
اللهم حسن الخاتمة ��