منتدى محبي أهل البيت عليهم السلام - عرض مشاركة واحدة

اوسمتي · 09-21-2017, 10:10 PM

المفاجات
منها
يفرحنا
يصدمنا
تسر خواطرنا
لكن صدمتي كانت مختلفة !
اتعجب منها ومن جراءتها
مدري اضحك ؟
ابتسم ؟
ابكي بحرقة قلب
وعلى اللي يصيدني ؟
شنو بيدنا ؟
غير كلمة
تنقال
الله المستعان

#كنت امشي ضايعة
ما ادلي وين طريقي
وين هذا الطريق اللي بياخذني
مدري وين بيوصلني ؟
شنو ينتظرني في اخر مطافه
شنو مخبي ليي ؟ من مفاجاة !

#مكالمة من يارا

يارا:الووو مريوو سوري م رديت عليج كنت راقدة

ماريا: لا عادي

يارا: شفيج اشله صوتج جدي صاير شي معاج ؟

ماريا: ما فيني شي تعالي بيتنا الحين

يارا: خوفتيني ! قوولي اوك مب مشكلة يايه لج

ماريا: تعالي وبتعرفين كلشي

يارا: مسافة الطريج

#قطعت الخط

ماريا مشت في دربها للبيت
اول ما وصلت راح غرفتها

بعد ربع ساعة
يت يارا

#دق الجرس

الجدة : هلا بتي يارا شلونج
يارا تحب راس الجدة: الحمدلله بخير وانتين خاله شلونج
الجدة: الحمدلله بخير الله يحفظج
يارا: خالة وين ماريا
الجدة: توها يايه من بره راحت غرفتها
يارا: اوك بروح لها
الجدة:اوك حبيبتي بسوي لكم شي تاكلونه
يارا: لا تعبين روحج خاله انه مب غريبة
الجدة: تعبكم راحة
يارا: استاذنج خالة
الجدة: اذنج معاج.
..

#غرفة ماريا

يارا بتخوف ماريا: بووووو انه ييتت

ماريا سرحانة

يارا بحركات باليد : احححم نحن هنا هيييي

ماريا تطالع بدهشة : متى يتين ؟؟

يارا: هووهه صباح الخييير عييني من زمان صار ليي ساعة اناديج اناديج انافخ اتكلم اصارخ ما تردين مدري من ماخذ عقلج

ماريا: اليوم جفته

يارا : من ؟

ماريا: جراح

يارا مستغربة: من جراح ؟؟ شتهرين يمه

ماريا: المجهول !

يارا متقطعة: م ماهو ؟؟ غيييره

ماريا: اي بس

يارا: شنو بس

ماريا: وايد قليت ادبي معاه

يارا: شلون؟ خبريني

#ماريا تخبرها بكلشي

يارا: ويي م عندج سالفة الصراحة يستاهل لو انه معاج اصفقه صطار اطيييره صخيير

ماريا بضحكة: ههههه صدقتج الحين وقت الجد تنخشين نفس الفيران

يارا: بنجوف

ماريا: خيرا الله يحينا ..بعدين بخبرج تراه عطاني رقمه

يارا: واووو بهل سرعة ؟

ماريا: سدي بوزج لا يطيح حلجج علينا مو ناقصة تركيبات بكبرنا افلاس

يارا: هاهاهاها يا خفة دمج

ماريا: ادري ما يحتاج تخبريني

يارا: اي ام عريف ماشاءالله

ماريا: تدرين

يارا: شنو

ماريا: لقاءنا كان غريب ما ايي على البال

يارا: هههههههه عادي حطي روحج في فلم هندي مع شاروخان

ماريا: هاهاها ضحكتيني ما فيني ضحكة يا سخيفة

يارا : يا هبلة فونج يرن هههههه شكله حبيب القلب

ماريا : سخافتج

يارا: ردي خلنا نجوف من

ماريا :م برد هههه

#مكالمة لم يتم الرد عليها
#وصلت رسالة جديدة

#تتوقعون من عند من الرسالة