قصيدة حسين إشراق الصبح | باسم الكربلائي | ليلة ١ محرم ١٤٤٦ | مجالس العزاء | مكتوبة

١ , ١٤٤٦ , ليلة , مجالس , محرم , مكتوبة , الشبح , العزاء , الكربلائي , باسم , حسين , إشراق , قصيدة

قصيدة حسين إشراق الصبح | باسم الكربلائي | ليلة ١ محرم ١٤٤٦ | مجالس العزاء | مكتوبة

قصيدة حسين إشراق الصبح | باسم الكربلائي | ليلة ١ محرم ١٤٤٦ | مجالس العزاء | مكتوبة

📜قصيدة : حسين أشراق الصبح
✒️للشاعر : ميرزا عادل اشكناني
📌 : ليالي محرم الحرام
📅: ليلة 1 محرم 1446 هـ
🕌:جامع وحسينية الرسول الاعظم - بغداد حي الإعلام
🎶طور: #مافوق_البشر


حُسين .. إشراق الصبح
حُسين ... نصرَك و الفتِح
حُسين .. جاء امْن الذّبح
حُسين .. حُسين .. حُسين .. حُسين
بالدَّم و الدَّمِع .. أحييت الشَّرِع
حُسيناه
▪️▪️▪️▪️▪️
جاءَ نصْرُ الله و الفتْحِ المُبين..
او رجع دين المصطفى حَيْ من جِديد
وَ رَأيْتَ النَّاس رِجعْوا مُسلمين..
و الثمن لله گلِت : خُذ ما تُريد

انْچان ابمماتي يحتيي دِيني
فيا سُيوف لموتي إِخذيني
شرْع الله خَلَّه عينه ابْعيني
اينادي يبو السَّجاد إحييني

يريد .. دينك ملحمه
يريد .. من چبدك ظمه
يريد .. من نحرك دِمه
حُسين .. حُسين .. حُسين .. حُسين
او چي دمَّك نَبِع .. أحييت الشَّرِع
حُسيناه
▪️▪️▪️▪️▪️
الصَّلاه ندريها عامود الإسلامْ..
او راد يوگع هالعَمد يوم الطفوف
بيدك اِلزمته او رجع بيك اِستقامْ..
من وگفْت اتصلّي ما بين السَّيوف

بس ابصَلاتك يختلف أمرك
اتوضيت من ميزاب دَمْ صدرَك
تركع , تجرَّ السَّهم من ظهرك
و السَّجده لمّن طحت من مُهرك

صَلاةْ .. ما صارت أبَد
صَلاةْ .. ما صلاّها أحَد
صَلاةْ .. راس ابلا جسَد !
حُسين .. حُسين .. حُسين .. حُسين
ابْنَحر المنگطِع .. أحييت الشَّرِع
حُسيناه
▪️▪️▪️▪️▪️
او من عگب ما شيَّدِت فرْض الصَّلاةْ..
او بيك عادَت للحياه أولى الفُروع
النّوب إجالك يشتكي فرْض الزَّكاة..
يا ابْنَ مَن آتى زكاته بالرُّكوع

زكّيت دَم طاهر من اوْريدك
و ابذلتِ غالي الأكبر اوْليدك
و اتصدَّقِت چفّين لعْضيدك
او خمَّسِت حتّه الخنْصُر اِمْن إيدك

زكاةْ ... مالَك و البدَن
زكاةْ .. لله اتفرهِدَن
زكاةْ .. تنطي ابلا ثَمَنْ
حُسين .. حُسين .. حُسين .. حُسين
و ابگطْع الصبِع .. أحييت الشَّرِع
حُسيناه
▪️▪️▪️▪️▪️
الدِّين شاف النور من عگب الظَّلام..
او گبل ما ايْموت انثرت رُوحك عليه
او عگب هالفرضين إجه فرْض الصِّيام..
ولْمُحرَّم مَدْ شهْر رمْضان إديه

او حتى يظل حُكم الشّرِع دايِم
و ايُعود فرْض الصُّوم للوادِم
لازم تضحِّي ابكربله لازم
او تبقه ثلاثه مُمْسِك او صايِم

صِيام .. عن صوم الدَّهر
صِيام .. ما صامه بَشر
صِيام .. ظامي ابْصَف نَهر
حُسين .. حُسين .. حُسين .. حُسين
و ابهذا الوضِع .. أحييت الشَّرع
حُسيناه
▪️▪️▪️▪️▪️
رخَّصِت غالي مهُجْتَك للإلهْ..
حتى تستنقِذ من الحِيره العِبادْ
او من شفِت درْب الشَّرِع عالاُمَّه تاهْ..
في سبيل اللهْ أعلَنْت الجِهادْ

ياهو الذي مثلك يبو اليمَّه
وحدِك چنِت بس تنحسب أمَّه
واللي جهاده السِّيف و الچلمه
عالظلُم لازم ينتصر دمَّه

جهاد .. ابكل ما تمتلِك
جهاد .. في وجْه الشِّرِك
جهاد .. لا ما يندرِك
حُسين .. حُسين .. حُسين .. حُسين
تنطي او مقتنع .. أحييت الشَّرِع
حُسيناه
▪️▪️▪️▪️▪️
الكعبه كادَت ترد مركز للأصْنَام..
او بيها كادت تُنتَهك أشرف دِماء
احفظت مكَّه او حُرمة البيت الحرام..
من گلَت يا ناس حجِّي ابكربلاءْ

عاري تظّل ابدال إحرامك
او للأعوجيَّه اتلبّي بعْظامك
أمّا الإفاضة هَجَّة أيتامك
يسعون بين النّار و اخيامك

حَجيج .. ما إلهن مِثِل
حَجيج .. حجَّوا عالهِزل
حَجيج .. و ابچفهِن حَبِل
حُسين .. حُسين .. حُسين .. حُسين
رغماً عالجَمِع .. أحييت الشَّرع
حُسيناه
▪️▪️▪️▪️▪️
الأمر بالمعروف شخصك يا حُسين
النّهي عن المُنكر , المُنكر يزيد
اخْطَبِت بالموعظة بين العسكرين
و انطقِت بالحِكمه بس من الوريد

ذكّرِت بالله ابسِرَّك او جهرَك
و ابآية أهْل الكهف نتذكرَك
ابطشت الذّهب ما ينگطِع ذِكرَك
و الخيزارنه تلعب ابثغرَك

حياةْ .. دين المصطفهْ
حياةْ .. نهجه او مصحفهْ
حياةْ .. هاي الطائفهْ
حُسين .. حُسين .. حُسين .. حُسين
او راسك مرتفِع .. أحييت الشَّرع
حُسيناه
▪️▪️▪️▪️▪️
بُقَن فرعين او يصير الشَّرع تَامْ
الدِّين لولاهم فلا يتسمَّه دِين
اِلبراءه امْن الغصَب حگ اِلإمام
و الولايه لأمير المؤمنين

يالداست اخيول العشر صدره
او تم للديانه افروعها العَشره
طاها او علي و الحسَن و الزّهره
بيَّن فضلهم دمّك اليجره

فُروع .. دينك تكتمِل
فُروع .. تُحيى ابهالقَتِل
فُروع .. بس إنته الأصِل
حُسين .. حُسين .. حُسين .. حُسين
من تَمْ هالفرِع .. أحييت الشَّرع
حُسيناه
▪️▪️▪️▪️▪️

المصدر: منتدى محبي أهل البيت عليهم السلام - من قسم: قصائد مكتوبة

---

rwd]m psdk Yavhr hgwfp | fhsl hg;vfghzd gdgm ١ lpvl ١٤٤٦ l[hgs hgu.hx l;j,fm hgafp