قصيدة هلي رحتو | باسم الكربلائي | ليلة ٣ محرم ١٤٤٦ | مجالس العزاء | قصيدة مكتوبة

١٤٤٦ , ٣ , ليلة , مجالس , محرم , مكتوبة , العزاء , الكربلائي , باسم , رحتو , إلى , قصيدة

قصيدة هلي رحتو | باسم الكربلائي | ليلة ٣ محرم ١٤٤٦ | مجالس العزاء | قصيدة مكتوبة

قصيدة هلي رحتو | باسم الكربلائي | ليلة ٣ محرم ١٤٤٦ | مجالس العزاء | قصيدة مكتوبة

📜قصيدة : هلي رحتو
✒️للشاعر : زين العابدين المرياني
📌 : ليالي محرم الحرام
📅: ليلة 3 محرم 1446 هـ
🕌:جامع وحسينية الرسول الاعظم - بغداد حي الإعلام


هلي رِحتوا طويله أدري سفرتكم
منو ايگلكم إذا ماتت عليلتكم
▪️▪️▪️▪️▪️
وَلاريد احچي كسري ابْساعة اوْداعي
بعَد رحتوا.. العتَب ماشوف اله داعي
يمن عفتولي لچمه اتچمّل اوجاعي
إذا اموتن بعد ما ظل إلي ناعي
تعوفوها على الحسره غريبتكم
منو ايگلكم إذا ماتت عليلتكم
▪️▪️▪️▪️▪️
أنه أصبر لون أدري أكو جيّه
لچن صعبه انْتظار الماله تاليّه
هلي تعّبني الفْراگ اونواعيّه
تساعدني لونها باقيه ابنيّه
إذا طالت يبعد اعيوني فرگتكم
منو ايگلكم إذا ماتت عليلتكم
▪️▪️▪️▪️▪️
هلي اوما رايده اسْأل عاليعطّلكم
أريد اعرف شنو امعطّل رسايلكم
هلي بداعة غلاتي رايده اسألكم
خبَر حالي بعد منهو اليوصله الكم
ردت لحظه واسد عيني اعله شوفتكم
منو ايگلكم إذا ماتت عليلتكم
▪️▪️▪️▪️▪️
هلي لمّن گعدتوا هم ذكرتوني؟
تحبّوني واظنكم ما نسيتوني
إذا اشْتاگيتوا اليّه اوما تلاگوني
تره ابدمعة رُقيّه اختي تشوفوني
تحبّوني وانه ماحبها فرگتكم
منو ايگلكم إذا ماتت عليلتكم
▪️▪️▪️▪️▪️
ابْمراسيلي منو يقراهن احروفي
غريبه آنه اوعليكم تكتِل اطيوفي
گرب موتي واگولن يا هلي خوفي
رُقيّه ما تجي اتسبّلهن اچفوفي
منو ليّه وانه دمعه ابمسافتكم
منو ايگلكم إذا ماتت عليلتكم
▪️▪️▪️▪️▪️
انْگطع منّ البواچي اوما وصل صوتي
بعَد بلكت يصل إلكم خبَر موتي
تقبلوها إذا تدعيكم امروتي
الوَحَدْها امّ البنين اتحمله تابوتي
بني هاشم تظل وحشه جنازتكم
منو ايگلكم إذا ماتت عليلتكم
▪️▪️▪️▪️▪️
گضه وحشه العمر وايدي اعله خاصرتي
اوأشد وحشه إذا ما شِلْتوا فاتحتي
اشْيگول احسين مِن يسمعها سالفتي؟
إجيت ابچي اعله فرگة فاطمه ابنيتي؟
إذا ردلي أگولن روحي عذرتكم
منو ايگلكم إذا ماتت عليلتكم
▪️▪️▪️▪️▪️
ابوذيات : ياباه ، وشم بي ، نحراه
للشاعر : ناظم الحاشي


خبر موتك الي الموت .. جابه
عليله لو وجهي على التربان .. يابه
بنتك رد عليّه الصوت .. ياباه
بكليم الله عليك ترد عليه
▪️▪️▪️▪️▪️
ابوي من النبي جده .. وشم بي
نور وغيره من حيدر .. واشم بي
صدره الچنت اشبگنه .. واشم بي
علي داست الخيل الاعوجية
▪️▪️▪️▪️▪️
انوح ودمعي محد يوم .. نحرا
ابوي اللي ما شفت بالزلم .. نحره
وعلي لو شايفه مگطوع .. نحره
متت فوگه مثل موتة رقيه
▪️▪️▪️▪️▪️

المصدر: منتدى محبي أهل البيت عليهم السلام - من قسم: قصائد مكتوبة

---

rwd]m igd vpj, | fhsl hg;vfghzd gdgm ٣ lpvl ١٤٤٦ l[hgs hgu.hx l;j,fm Ygn