قلمي المبدع

مخنوقة وايد.. خانتني العبرة
بداخلي جراح ما تشفى ولا تتدواى..
كسرة كسرة لا تنوصف ولا تنكتب
ولا حتى تنقال..
أحس كل شيء بداخلي مات
ودع هالحياة وفارقها من زمان
روحي من كثر الخذلان والهلاك
انفصلت تماما عن الجسد تركته
حق تحرر نفسها! وتستقر
كأنها تصرخ من أعماق نفسها
خلاص لهني خلاص
كاااااااافييييييييييه!
استحوذها الموت..��
يمكن وعسى بعد ما فارقت هالجسد
تترتاح من كل شيء
من طعنات صفعات خذلان!
ما عمرنا السعادة دلت طريجنا
ولا الحب دق بابنا
لما تنرسم البسمة صجيه
تخلق ذكريات حلوه مؤقته
لكن بعدها طعنات طعنات تهلك روح أكثر
تقتلها بلا ضمير.. ��
ليش دايما يحسسونا إحنا غير عنهم كأننا مو مثلهم بشر نحس وعندنا احساس ومشاعر
ما يحق الينا نزعل ولا نتضايج
يومنا نصمد ونرجع نفس قبل
ولا كانه صاير شي
ليش عاد؟ شنو السبب
حق يعاملونا كأنه آله قطعه خرده
كل اساسها معدن ماكو احساس ولا روح
مجرد الحديد وبس حديييييييد
ما كاننا مثلهم مخلوقين من طين وتراب
تعب تعب وتعبنا مافينا حيل
كل ما تالمنا وطحنا نرجع نقوم لكن نقوم واحنا نتألم
بداخلنا شي انكسر ترك وراه جرح
نحاول نتجاهل نتغافل
نعالج جراحنا لكن اتيينا طعنات اقوى من قبلها تفتح جروح القديمه وتخلق جروح يديده اضعاااااف
لدرجه ما في مكان فينا سليم
كله خدوش جراح آثار ماتنتهي ولا تتناسى
ليتنا لو نفقد ذاكرتنا
على الأقل يختفي هالعذاب لفتره..
لا ترجعون تضربونا صعقات كهربائية
وترجعون كل شيء فات؟
خلونا فاقدين الذكراة ��
النسيان نحتاجه