روايتي بصمة واتمحت من حياتي ♥ : تمت سرقة الحساب وبأكملها فالمنتدى

مريم تحاول تغير الموضوع: جهز طلبنا ما
مروة: بقوم أجوف مدري
جود: بييي وياج نطريني
مروة: يله
مريم: احاارسكم ..
بعد مرور حوالي 5 دقايق >>> مريم اتمللت بروحها

مريم (متملله) : أوفف واييد تاخروا ما صار طلب بيسالون عنه جهز أو لا

مر من صوبها دكتور اسلامك: مرحبا مريم
مريم التفت وبالابتسامة: مرحبتين دكتور
دكتور اسلامك : شلون دراستج وبقية المواد
مريم: الحمدلله دكتور ماشيه فيهم
دكتور اسلامك بالابتسامة : اي حطي بالج فيهم ونباج هالكورس اتييبين درجات حلوه مثلج
مريم استحت : ان شاء الله دكتور

..

بعد شوي ييوا البنات بعد ما كانو يسولفون لين ما يجهز الطلب
لما جهز اخذوه وراحو ل مريم على طول
..

مروة من بعيد : اوفف شهل لزقة
جود: شفيج شفيج تفيفيين؟ تقصدين من بعد.. خب انتين على الكل حاقده ما خليتين ولا احد حتى نملة ما سلمت منج
مروة: لا تزيدين في الكلام طالعي جدام
جود تطالع يمين ويسار: وين وين
مروة تضربها على رأسها : عساج الحول قولي آمين طالعي مريم ويا من
جود تحط يدها على رأسها : وججعع زين ما طاح الاكل من يديي.. عورتين راسي مو يد اللي عليج طابوق لا اله الا الله.
مروة : بتطالعين ولا اهفج طراق الحين اطيحلج ضروسج
جود: زيين ها طالعت.. وييي هاي شيسسوي هل غثيت
مروة: الله يستر مشي الحين نروح لمريم
جود: مشي مشي
..

لما وصلو لمريم
مروة وجود: السلام دكتور
دكتور اسلامك : وعليكم السلام ورحمة الله
مروة: شخبارك دكتور
دكتور اسلامك: الحمدلله بخير.. يله استاذن منكم بالعافية عليكم

البنات كلهم: الله يعافيك دكتور

>>>> الدكتور راح ومروة سيده قعدت وسلمت مريم

مروة: هييي هل لزقة شيسوي شكان يقول لج
جود قعدت : اي صج هل غثيت شنو كان يبي
مريم: عيب تتكلمون عنه جدي
مروة : الله الله سمع من اللي يتكلم
جود: هههههه لا يكون تحبينه من ورانا
مريم: شهالكلام انتين الثانية
مروة: هههههه كفج جود
جود : ههههه هاج ههههههههه
مريم: كان يسالني عن دراسة وبس ولا يروح بالككم بعيد
مروة: قطيع تقطعه ما صدقت يخلص محاضرته سندر راسي الله يسندره
جود: خلكم تولون انه ميته يووع باكل وانتون حشوا حشوا
مروة: حشت ضلوعج ههههه
مريم تتضحك : هههههههه

..

قعدو البنات ياكلون ويضربونها سوالف لين ما اتيي محاضرتهم اللي عقب

بدر خلص محاضرته قبل اخته مريم وراح ويا شبابه ياكلون وعقب ما خلصوا راحو يلعبون كورة شوي

بدر: شباب الحين بخليكم
شباب: اوك

..

بدر تصل لاخته

ترن ترن ترن

مريم ردت عليه: هلا بدر
بدر : هلا مريم ويش بشري شلون كانت محاضرتج
مريم: تمام مثل كل مره
بدر : وينج؟
مريم : ويا البنات يالسه
بدر : اها اوك في وين؟ فب مكتبة يعني
مريم: لا لا في كافتيريا
بدر : اها اوكيي.. اكلتين شي ولا تبين اخذ لج
مريم : لا اكلت الحمدلله ويا البنات
بدر: بالعافيه
مريم: الله يعافيك
بدر : يله عيل اخليج الحين بعدين اجوفج في محاضره ماث
مريم: تمام مع السلامة

..
>>> سكرته

جود تغيرت الوانها.. وانتبهت لها مروة

مروة : هلووو نحن هنا
جود* ساكته
مروة: هييي شفيج اختطف لونج
جود: ما فيني شي
مريم: اوففف المحاضرة اللي عقب تملل
مروة: اي صح اتييب النومه
جود : الدكتور بكبره يملل واييب ام النومه ما يعرف يشرح
مروة: زين يقول كلمتين ورا بعض
..

بعد نص ساعة من سوالف قاموا البنات راحو محاضرتهم

محاضرة الماث

البنات دشوا وقعدوا مكانهم

ويسولفون شوي على ما يشرف الدكتور بحضوره

دش بدر

بدر: السلام

كل الطلبة يردون : وعليكم السلام ورحمه

الشباب: هلا هلا بدر تعععال لا يفوتك

>>>>>سوالف شباب عن بلاستيشن
.

قبل لا يروح جاف اخته وابتسم اليها وراح لشباب

جود انخطف لونها مره ثانيه
مروة انتبهت لها : شفيييج انتين. ؟ شسالفتج اليوم
جود: شفيني يعني وانتين شسالفتج حاطه عليي اليوم
>>> مريم تطالعهم فيها ضحكة ��

جود سيده قامت وطلعت من الكلاس؟