روايتي بصمة واتمحت من حياتي ♥ : تمت سرقة الحساب وبأكملها فالمنتدى

مريم تفكر بينها وبين نفسها : يا ربي مدري شفيني الحين حايره دلني على الطريج صح.. اخوي من ابوي وامي من لحمي ودمي اعرفه زين اكثر من نفسي مستحيل يسوي هل حركات الرخيصة.. لا يكون جود تتبلى على اخوي!!!

..
بدر لاحظ اخته سرحانة : هلووو؟ وصلتين المريخ ولا بعدج
مريم : ها لا لا ماكو شي.. خلصت كل محاضراتك؟
بدر: شبه اي ليش؟
مريم: انه بعد مخلصة شرايك نطلع شوي قبل لا نرجع البيت
بدر: ليش لا يله فكري وين تبغين تروحين
مريم: خاطري في ستاربكس بعدها نروح شوبن
بدر: يله سرينا
..

#راحو ستاربكس خذو لهم شي يشربونه وقعدو يسولفون شوي لمدة نص ساعة..

بدر: ييبوويي يسرسسحح على قولتج
مريم: ههههه سس يسسرسسحح
بدر : ههههه عليج حركات مدري اشله السين بعد شدخلها بالموضوع �� لغة بنات شفهمنا فيها
مريم: احسن من كلامكم يالصبيان
بدر: على الاقل احنا اختصارات عندنا مو اللسان شطوله شعرضه ههههه ياليت يخلص البتري اللي فيكم اذا تكلمتون واااهه وييين تسكتون ولا راديو
مريم ب سخافة : ها ها هااها ضحكتني ما فيني ضحكة
بدر : شوله قالوج قايل نكته
مريم: ما اقدر على خفافة دمك بمووت
بدر: موتي وعيشي باجر ��
مريم : اعمل نفسسسكك ميييت
بدر: ايووهه
مريم : يله قوم نروح البحر شوي
بدر: يله
..

بعد 15 دقيقة وصلوا البحر
مريم: اوففف اعششقق هالمكاان
بدر يطالع اخته ويبتسم
مريم: شفيك تتبسم
بدر: بعد حرام ابتسم لما اجوف فرحة اختي وراحتها
مريم : الله يخليك ليي يا اخوي ولا يحرمني منك
بدر: آمين ويخليج ليي
..

مريم: تدري
بدر: شنو
مريم: خاطري اسافر اهيييم
بدر: على قاري وحمار صح
مريم: ههههه بنتف ريشك الحييين
بدر: شدراني عنج امنياتج بعيدة
مريم: شقالولك لطيفة؟
بدر: هههههه اوفف طلعتين تعرفيينه يا شريفة
مريم: ارجوك حمد
بدر: هههه لا يا جميلة
مريم: والله يا دلال
بدر : نعم ضحى
مريم: هههههههه اخ بطني شرايك تقوم تمثل دور سلمان
بدر: لا والله ما ابغي.. خلني بمكان عادل شحلاته هالصبي
مريم: شعاجبك فيه
بدر: براءته ونيته الصافية في زمن جذاب؟ كلماته تسحر وتنحط على الجرح يوصف الواقع المؤلم اللي نعيشه
مريم: تصدق
بدر: شنهو
مريم: احيانا ما احس انني اكبر منك ابد.. احس هيك توام كيوتين
بدر: مثل لطيفة وشريفة ههههههه
مريم: سخافتك
بدر: شريفة نار صافية نقية اما شريفة بحر هايج
مريم: والله
بدر بالنفس عمييق : اي والله
مريم : -
بدر: هالمسلسل يا اختي ما يعادل درة من اللي نعيشه احنا وانتين اكبر مثال.. انتين بطلة.. انتين اللي تشبهين القصص والحكايات
مريم: شلون؟
بدر: انتين مثل حكاية سندريلا..
مريم: ههههه مضايعة جوتي مالي يعني
بدر: هرارج اقصد بطيبتها بحنانها برقتها