قصيدة نظراتك آهات | باسم الكربلائي | ليلة ٥ محرم ١٤٤٦ | مجالس العزاء | قصيدة مكتوبة

١٤٤٦ , ٥ , ليلة , مجالس , محرم , آهات , مكتوبة , العزاء , الكربلائي , باسم , نظراتك , قصيدة

قصيدة نظراتك آهات | باسم الكربلائي | ليلة ٥ محرم ١٤٤٦ | مجالس العزاء | قصيدة مكتوبة

قصيدة نظراتك آهات | باسم الكربلائي | ليلة ٥ محرم ١٤٤٦ | مجالس العزاء | قصيدة مكتوبة

📜قصيدة : نظراتك آهات
✒️للشاعر : احمد الذهبي
📌 : ليالي محرم الحرام
📅: ليلة 5 محرم 1446 هـ
🕌:جامع وحسينية الرسول الاعظم - بغداد حي الإعلام


نظراتك آهات .. خطواتك حسرات
اتكابر وبروحك من غيضك نيران
شما اعاين ما اشوفك من ديرة كوفان
▪️▪️▪️▪️▪️
من يا ديرة عرب .. گالتله طوعه
مسلم تحت الجفن .. حابس دموعه
جابوها المجتمع .. اعلن خضوعه
مو للرب للعبد .. اصبح ركوعه
كتبوا گالوا اقدم لينه جاوب كتبهم
مبعوث اني من ابن الزهره وداني الهم
ثاري الناس الخانوا حيدر رجعوا نفسهم
غرهم جاه ومال الدنيا وباعوا شرفهم
ماواهم للعار .. مثواهم للنار
مو بيتي من عيوني افتحلك بيبان
واتكابر وبروحك من غيضك نيران
▪️▪️▪️▪️▪️
من شفتك طولت .. يمي بوقفتك
واضح لون العطش .. رسم على شفتك
لكن رغم التعب .. نور بجبهتك
من بيت المرتضى .. قادم عرفتك
ساكت لكن شفت سوالف حتى بخيالك
مو من اهل الدنيا عرفتك شهدت فعالك
بيها اشگد من هيبه حيدر طلعت جمالك
هاي الدار برسم الخدمه واني فدالك
حياكم مولاي .. وارضاكم منواي
خطاري اعوفك يا داعي الرحمن
واتكابر وبروحك من غيضك نيران
▪️▪️▪️▪️▪️
الحسين بلا عدد .. بعثوا رسائل
بصمتله وعاهدت .. كل القبايل
حلفوا گالوا وعد .. بيدك نقاتل
لكن يا للاسف .. رد المقابل
مخجل جان وخانوا وبينا ونقضوا عهدنه
باعوا صوت الحق بالباطل خلفوا وعدنه
وادم مستعبدها ابن ادم تاريخه عدنه
ذوله اولاد الهمها الاكبر تاكل جبدنه
ما بيهم خيال .. شاريهم بالمال
والبايع وجدانه يرد باجر ندمان
واتكابر وبروحك من غيضك نيران
▪️▪️▪️▪️▪️
ابن زياد انبره .. وبمرمى سيفي
بس مو ثوبي الغدر .. لا هذا كيفي
والضايف صاحبي .. يتسمى ضيفي
واكرم حتى العدو .. لو طب مضيفي
شريك ياشر بيده يگلي اگطع وريده
لكن مو هاي انا اخلاقي كلش بعيده
ما طاعن واحد من ظهره عمي الصميده
لاگه الموت بصدره ملاگه ونال اليريده
افعالك لله .. ميزانك علاه
يا عادل وجفوفك من يومك ميزان
واتكابر وبروحك من غيضك نيران
▪️▪️▪️▪️▪️
گوم أزئر يالاسد .. واكسر عرينك
شد عزمك وانتفض .. يا حامي دينك
سر مخباك انكشف .. والله اللي يعينك
خلي بظهرك علي .. سيف بيمينك
يا فشله الطوعه من الهادي ومن الزجيه
ابني بكم دينار يبيعك ياللرزيه
لو ميته ولا شوفك حاير هاي المسيه
اتوسل بتراب جدامك حگك عليه
صرخاتك يا حيد .. تكبير التوحيد
افكارك بيمينك وبروحك بركان
واتكابر وبروحك من غيضك نيران
▪️▪️▪️▪️▪️
شوفت عينج بعد .. للقاتلوني
حاصرت انا الهوه .. عالحاصروني
يا طوعه وامنت .. من واعدوني
قانون اهل الحرب .. بي قيدوني
گالوا نزل سيفك وامن بالله ورسوله
اي مطلب عندك يجرالك باجر تنوله
قانون الشجعان اعرفله واعرف اصوله
بس هاي الوادم ما عدهم ذره رجوله
تتخاذل للريح .. تتنازل وتطيح
ما بيهم كل غيره ماضيهم تعبان
واتكابر وبروحك من غيضك نيران
▪️▪️▪️▪️▪️
صعدوني على القصر .. واحبالي بيدي
واعليه انا الملك .. تامر عبيدي
والسيف من ابتده .. يگطع وريدي
ساعتها اتخيلت .. ذبحة عضيدي س
تخيلت حسين شيجراله بالحومه باجر
من تگطع العباس اگباله سيوف وخناجر
لشماله يعاين ويمينه ما يلگه ناصر
ويطيح ويتهشم صدره بدوس الحوافر
إيِمَانَاً بالروح .. قُرَآنَاً مذبوح
سلميلي على حسيني المذبوح العطشان
واتكابر وبروحك من غيضك نيران
▪️▪️▪️▪️▪️

المصدر: منتدى محبي أهل البيت عليهم السلام - من قسم: قصائد مكتوبة

---

rwd]m k/vhj; Nihj | fhsl hg;vfghzd gdgm ٥ lpvl ١٤٤٦ l[hgs hgu.hx l;j,fm